کمشنر لاہور زید بن مقصود‘ آر پی او اطہر اسماعیل کا ننکانہ صاحب کا دورہ

ننکانہ صاحب (نمائندہ نوائے وقت) کمشنر لاہور زید بن مقصوداور آر پی او اطہر اسماعیل کا ننکانہ صاحب کا دورہ ، کمشنر لاہور زید بن مقصود نے سکھ یاتریوں و سکھ برادری کو بابا گرونانک کے جنم دن کی مبارکباد دی اور سکھ یاتریوں سے سہولیات کی فراہمی بارے دریافت کیا ، سکھ برادری کا بابا گورونانک کے جنم دن پر مثالی انتظامات کرنے پر حکومت اور انتظامیہ کو خراج تحسین کیا کمشنر لاہور ڈویژن زید بن مقصود اور آر پی او اطہر اسماعیل نے نگر کیرتن کے جلوس کے روٹ کا وزٹ کیا، کمشنر لاہور نے غیر ملکی سکھ یاتریوں اور منتظمین تقریبات سے بھی ملاقات کی۔کمشنر لاہور اور آر پی او نے ڈی سی دفتر میں مرکزی کنٹرول روم کا دورہ کیا۔افسران نے سیف سٹی اتھارٹی کے دفتر میں جلوس کی مانیٹرنگ کے عمل کا جائزہ بھی لیا۔کمشنر زید بن مقصود نے کہا کہ ضلعی انتظامیہ کی جانب سے نگر کیرتن کے جلوس پر فول پروف انتظامات کیے گئے ہیں ، سکھ یاتریوں کیلئے سہولیات کی فراہمی اولین ترجیح ہے۔