پنجاب سے سینٹ کی خالی نشست پرعبوری امیدواروں کی فہرست جاری 

لاہور ( این این آئی)پنجاب سے سینیٹ کی خالی ہونے والی نشست پر ضمنی انتخاب کے لیے صوبائی الیکشن کمیشن پنجاب نے امیدواروں کی عبوری فہرست جاری کر دی ۔الیکشن کمیشن کی جانب سے جاری کردہ فہرست کے مطابق اب تک چار امیدواروں نے کاغذاتِ نامزدگی جمع کروائے ہیں۔ ان امیدواروں میں عبدالکریم، خدیجہ صدیقی، اعجاز حسن اور عبد الستار شامل ہیں۔الیکشن کمیشن کے ذرائع کے مطابق اس نشست پر انتخاب 29مئی کو پنجاب اسمبلی میں ہوگا۔ عبوری فہرست کے بعد جانچ پڑتال، اعتراضات اور حتمی امیدواروں کا اعلان مقررہ شیڈول کے تحت کیا جائے گا۔