آپریشن ’’بنیان مرصوص‘‘ عسکری تاریخ کا روشن باب ہے:مخدوم احمد محمود 

لاہور(نامہ نگار)سابق گورنر پنجاب،صدر پیپلز پارٹی جنوبی پنجاب مخدوم سید احمد محمود،سینئر نائب صدر پیپلز پارٹی جنوبی پنجاب خواجہ رضوان عالم،چیف کوآرڈینیٹر عبدالقادر شاہین اور میڈیا کوارڈینیٹرمحمد سلیم مغل نے یومِ تشکر کے موقع پر کہا یہ دن ربِ کائنات کا شکر ادا کرنے کا دن ہے پاکستان کو دشمن کے ناپاک ارادوں سے محفوظ رکھا۔افواجِ پاکستان کی جرات مندی، پیشہ ورانہ مہارت اور پوری قوم کے عزم و اتحاد نے دشمن کو وہ سبق سکھایا ہے جو تاریخ میں سنہری حروف سے لکھا جائے گا۔ آپریشن ’’بنیان المرصوص‘‘ پاکستان کی عسکری تاریخ کا وہ روشن باب ہے جس نے دنیا کو یہ باور کرا دیا کہ وطن عزیز پر بری نظر ڈالنے والوں کا انجام ہمیشہ ذلت و ناکامی ہو گا۔ ہمارے سپاہی،ہمارے افسران اور پوری قوم نے ایک سیسہ پلائی دیوار کی صورت دشمن کی سازشوں کا ڈٹ کر مقابلہ کیا۔پاکستان پیپلز پارٹی کی جدوجہد ہمیشہ سے ملکی خودمختاری، جمہوری استحکام اور قومی وقار کے گرد گھومتی رہی ہے۔