ویسٹ ایشیا بیس بال چیمپئن شپ ‘پاکستان نے بنگلہ دیش کو شکست دیدی 

لاہور(سپورٹس رپورٹر)دفاعی چیمپئن پاکستان نے ویسٹ ایشیا بیس بال چیمپئن شپ کے میچ میں بنگلہ دیش کو 6 کے مقابلے میں 10 رنز شکست دیدی۔میچ دیکھنے کیلئے 50 شائقین میدان میں موجود تھے۔پاکستان نے مجموعی طور پر 6 ہٹس کیے جبکہ بنگلہ دیش نے 9 ہٹس کیے۔ فیلڈنگ میں پاکستان کی جانب سے 3 جبکہ بنگلہ دیش کی طرف سے 4 غلطیاں ہوئیں۔پاکستانی ٹیم نے میچ کے دوران 7 بار واک حاصل کی،جبکہ بنگلہ دیشی ٹیم نے صرف 1 واک حاصل کی۔ پاکستان کے بیٹرز 5 بار سٹرائک آؤٹ ہوئے جبکہ بنگلہ دیش کے بیٹرز 9 بار آؤٹ ہوئے۔پاکستان اپنا اگلا میچ ایران کیخلاف آج 17 مئی کوکھیلے گا۔