کورونا وائرس کی پھیلتی ہوئی وبا کے خدشے کے پیشِ نظر سندھ فوڈ اتھارٹی (ایس ایف اے) نے کھانے پینے کے کاروبار سے منسلک افراد کے لیے ہدایت نامہ جاری کیا ہے۔سندھ فوڈ اتھارٹی کے ترجمان کے مطابق ہدایت نامے میں کہا گیا ہے کہ کھانے پینے کے کاروبار سے منسلک تمام ملازمین کے لیے ماسک، جراثیم کش صابن، سینیٹائزر اور ڈرائیر فراہم کیے جائیں۔ترجمان سندھ فوڈ اتھارٹی نے بتایا ہے کہ ہدایت نامے میں کہا گیا ہے کہ باورچی اور فوڈ ہینڈلرز سے دورانِ کام تمام احتیاطی تدابیر پر عمل درآمد کرایا جائے۔ترجمان سندھ فوڈ اتھارٹی کا مزید کہنا ہے کہ تمام ملازمین نزلہ، زکام اور کھانسی سے متعلق اپنے فوڈ سپروائزر کو اطلاع کریں۔ترجمان کا یہ بھی کہنا ہے کہ ملازمین کے جسمانی درجۂ حرارت کو یومیہ چیک کیا جائے، اس کا ریکارڈ رکھا جائے، جبکہ بخار اور کھانسی کی صورت میں فوری حکومتِ سندھ سے رجوع کیا جائے۔واضح رہے کہ پاکستان میں کورونا وائرس کے مریضوں کی تعداد 183 ہوگئی ہے، ایران سے تفتان اور پھر سکھر آنے والے 119 زائرین میں کورونا وائرس کی تصدیق ہونے کے بعد سندھ میں کورونا وائرس سے متاثرہ افراد کی تعداد 150 ہو گئی۔کورونا وائرس سے متاثرہ 30 افراد کا تعلق کراچی اور ایک کا حیدرآباد سے ہے۔کورونا وائرس کے خیبر پختون خوا میں 15، بلوچستان میں 10، اسلام آباد میں 4 ، گلگت بلتستان میں 3 اور پنجاب میں 1مریض اب تک سامنے آ یا ہے۔

 بچوں کو ماں کا دودھ پلانے کی مہم کو موثر بنانے کی ضرورت ، ڈاکٹر فیصل سلطان