بیجنگ (این این آئی)چینی وزارت خارجہ نے کہا ہے کہ وہ جیشِ محمد کے سربراہ مسعود اظہر کو بلیک لسٹ کرانے سے متعلق بھارت سمیت تمام فریقوں کے ساتھ بات چیت کے لیے تیار ہے۔ رواں ہفتے کے دوران تیرہ مارچ کو عالمی سلامتی کونسل میں مسعود اظہر کو بلیک لسٹ کر دینے سے متعلق ایک قرارداد کو چین نے ویٹو کر دیا تھا۔ اس پر بھارت نے گہری مایوسی کا اظہار کیا تھا۔ چینی ویٹو کے بعد بھارت میں ایسے مطالبے بلند ہونا شروع ہو گئے کہ وہاں چینی مصنوعات کا بائیکاٹ کیا جائے۔