لاہور( کامرس رپورٹر)سگریٹ بنانے والی کمپنیوںنے آئندہ مالی سال کے بجٹ کا نفاذ ہونے سے قبل ہی قیمتیں بڑھا دیں۔ وفاقی بجٹ میں سگریٹس بنانے والی کمپنیوں پر ٹیکسز میں اضافے کی تجویز دی گئی تاہم اس کے نفاذ سے قبل ہی مختلف برانڈز کے سگریٹس کی قیمتوںمیں اضافہ کر دیا گیاہے۔10روپے اضافہ سے90روپے کا پیکٹ 100،50روپے والا پیکٹ 60 جبکہ 200روپے میں فروخت ہونے والے پیکٹ کی قیمت210 کر دی گئی ہے۔ذرائع کے مطابق بجٹ کے نفاذ کے بعد قیمتوں میں مزید اضافہ کا امکان ہے۔