بی ڈی ایس فرسٹ ،سیکنڈ پروفیشنل اور ایم بی بی ایس فرسٹ پروفیشنل سالانہ امتحانات2019 ء کے نتائج کا اعلان
کراچی (نیوزرپورٹر) جامعہ کراچی کے ناظم امتحانات پروفیسر ڈاکٹر ارشد اعظمی کے مطابق بی ڈی ایس فرسٹ ،سیکنڈ پروفیشنل اور ایم بی بی ایس فرسٹ پروفیشنل سالانہ امتحانات برائے 2019 ء کے نتائج کا اعلان کردیا گیا ہے۔نتائج کے مطابق بی ڈی ایس فرسٹ پروفیشنل کے امتحانات میں کراچی میڈیکل اینڈ ڈینٹل کالج کی قرۃ العین بنت محمد حسین خان سیٹ نمبر195054 نے 582 نمبرز کے ساتھ پہلی ،سحر تمکین بنت آصف ضیاء سیٹ نمبر195060 نے574 نمبرز کے ساتھ دوسری جبکہ ورینہ سیف بنت سیف الدین انصاری سیٹ نمبر195085 نے 564 نمبرز کے ساتھ تیسری پوزیشن حاصل کی۔امتحانات میں 102 طلبہ شریک ہوئے جبکہ92 طلبہ کو کامیاب قراردیا گیا۔کامیاب طلبہ کا تناسب 90.02 فیصدرہا۔بی ڈی ایس سیکنڈ پروفیشنل کے امتحانات میں کراچی میڈیکل اینڈ ڈینٹل کالج کی عطیہ ماہین بنت محمد زاہد سیٹ نمبر196011 نے 651 نمبرز کے ساتھ پہلی،زرمین ندیم بنت ندیم سیٹ نمبر196093 نے 650 نمبرز کے ساتھ دوسری جبکہ یمنیٰ زبیر بنت محمد زبیر سیٹ نمبر196090 نے 646 نمبرز کے ساتھ تیسری پوزیشن حاصل کی۔امتحانات میں 103 طلبہ شریک ہوئے جبکہ 89 طلبہ کو کامیاب قراردیا گیا ۔کامیاب طلبہ کا تناسب 86.41 فیصدرہا۔ایم بی بی ایس فرسٹ پروفیشنل کے امتحانات میں 03 طلبہ شریک ہوئے اور تینوں ہی کامیاب قرارپائے۔کامیابی کا تناسب100.00 فیصدرہا۔