سینیگال:فٹ بال میچ کے دوران تماشائیوں میں تصادم،8ہلاک 49زخمی

17 جولائی 2017

ڈاکار (سپورٹس ڈےسک )سینیگال کے دارالحکومت ڈاکار کا ڈیمبا ڈیﺅپ سٹیڈیم جہاں دیوار گر جانے سے آٹھ افراد ہلاک ہو گئے۔افریقی ملک سینیگال کے دارالحکومت ڈاکار کے ڈیمبا ڈیﺅپ سٹیڈیم میں دیوار گر جانے سے آٹھ افراد ہلاک اور 49 زخمی ہو گئے ہیں۔یہ واقعہ ڈیمبا ڈیﺅپ سٹیڈیم میں دو فٹبال ٹیموں کے درمیان کھیلنے جانے والے میچ کے دوران پیش آیا۔سٹیڈیم میں سٹیڈ ڈی بور اور یونین سپورٹو اواکم کے درمیان لیگ کپ کا فائنل میچ ہو رہا تھا جس میں ایکسٹرا ٹائم میں سٹیڈ ڈی بور کی ٹیم نے گول کر کے 2-1 کی برتری حاصل کر لی جو کہ میچ کے اختتام تک محفوظ رہی۔آخری سیٹی بجتے ہی دونوں ٹیموں کے شائقین کی آپس میں لڑائی شروع ہو گئی۔ پولیس نے تماشایﺅں کو روکنے کے لیے آنسو گیس کا استعمال کیا جس سے سٹیڈیم میں افراتفری پھیل گئی اور اسی بھگڈر میں دیوار گر گئی۔میدان سے آنے والی تصاویر میں دیکھا جا سکتا ہے کہ لوگ دھویں میں دیوار پھلانگنے کی کوشش کر رہے ہیں۔مقامی خبر رساں ادارے اے پی ایس کے مطابق میدان میں ایمبولینس اور فائر بریگیڈ کی گاڑیاں موجود تھیں۔سٹیڈیم میںموجود چیکا مابا ڈیﺅپ، جن کے ایک دوست کی اس حادثے میں موت ہو گئی، نے خبر رساں ادارے اے ایف پی سے بات کرتے ہوئے نے بتایا 'دیوار اچانک گر گئی اور ہمیں اسی وقت معلوم ہو گیا تھا کہ ہمارے جاننے والوں کی موت ہو گئی ہو گی کیونکہ دیوار سیدھی ان پر گری تھی'۔ملک کے صدر میکی سال کے ترجمان نے بتایا کہ سنیگال میں جاری انتخابی مہم اتوار کو اس واقعہ کے بعد معطل رہے گی اور کہا کہ ذمہ داران کو 'سزا ملنی چاہیے تاکہ ایسا دوبارہ نہ ہو۔'