دبئی پولیس میں نئی ملازمتوں کا اعلان کر دیا گیا

17 جولائی 2017

دبئی(آئی این پی)دبئی پولیس میں نئی ملازمتوں کا اعلان کر دیا گیا ہے، جن کے حصول کیلئے متحدہ عرب امارات کے شہری ہونے کی بھی شرط نہیں رکھی گئی۔ دبئی پولیس میں نئی ملازمتیں اوپن کر دی گئی ہیں، جن میں سے چند پوزیشنوں کے علاوہ کسی پر متحدہ عرب امارات کا شہری ہونے کی شرط نہیں رکھی گئی۔
دبئی پولیس کی جانب سے ان کی ویب سائٹ پر جاری کی گئی نئی ملازمتوں میں کورپورل، فرسٹ کورپورل، پرائمری سروس پرووائیڈر، گرافک ڈیزائنر، ڈوکومینٹس ایگزیمینیشن ایکسپرٹ، کانسٹیبل، فرسٹ کانسٹیبل، وارنٹ، لیفٹیننٹ، کسٹمر سروس سپروائزر اور پرائمری سروس پرووائڈر کی نوکریاں ہیں۔ان ملازمتوں میں سے صرف کچھ کیلئے متحدہ عرب امارات کا شہری ہونے کی شرط ہے جبکہ دیگر پر کسی بھی ملک کے شہری اپنی درخواست بھیج سکتے ہیں۔ ان ملازمتوں کیلئے درخواستیں جمع کرانے کی آخری تاریخ 31 دسمبر 2017 ہے۔