جیولوجیکل سروے آف پاکستان نے بلوچستان کے علاقے چاغی سے انتہائی قیمتی اورنایاب دھات مولی بیڈینم دریافت کرلی. حکام جی ایس پی کے مطابق مولی بیڈینم دھات قیمت کے لحاظ سے بہت مہنگی ہے۔ کیونکہ تانبے کا ریٹ سولہ ہزار ڈالر فی ٹن جبکہ مولی بیڈینم کا ریٹ ایک لاکھ ڈالر فی ٹن ہے۔ مولی بیڈینم سائنسی اعتبار سے بھی انتہائی اہم دھات تصور کی جاتی ہے کیونکہ اس کا استعمال سپیس شٹل بنانے میں کیا جاتا ہے۔ دوسری جانب جیولوجیکل سروے آف پاکستان کی ٹیم علاقے میں اس قیمتی دھات کے ذخیرہ کی مقدار کا تعین کررہی ہے۔