لاہور (اے این این) جمعیت علماء اسلام کے سربراہ مولانا فضل الرحمن نے پارٹی کی مجلس عاملہ کا ہنگامی اجلاس آج صوبائی سیکرٹریٹ پشاور میں 3بجے طلب کر لیا۔ مولانا محمد امجد خان، حافظ حسین احمد نے بتایا کہ اجلاس میں ملکی اور بین الاقوامی صورتحال پر غور کیا جائیگا۔ انہوں نے بتایا کہ اراکین نے اجلاس کو دعوت نامہ مولانا عبدالغفور حیدری کی طرف جاری کر دیا گیا۔ مولانا محمد امجد خان نے بتایا کہ پارٹی کے سیکرٹری جنرل اور صد سالہ کمیٹی کے سربراہ مولانا عبد الغفور حیدری نے مرکزی اور سب کمیٹیوں کا اہم اجلاس بھی شام 4 بجے صوبائی دفتر پشاور میں بلا لیا ہے۔