نارنگ منڈی (نامہ نگار) راجباہ سوہل میں کھنڈا کے قریب 8 مقامات پر شگاف پڑنے سے درجنوں ایکڑ پر کھڑی فصلیں تباہ ہوگئیں۔ زمینداروں نے طاہر علی سرویا کی قیادت میں شدید احتجاج کرتے ہوئے بتایا کہ گذشتہ روز ایک 10فٹ کا شگاف پڑا محکمہ انہارکے افسران کو بروقت اطلاع دی گئی لیکن انہوں نے کوئی توجہ نہ دی اورآج مزید 7شگاف پڑنے سے نہری پانی کے تیز ریلے فصلوں کو بہا کر لے گئے ہیںجس کے باعث زمینداروں کو لاکھوں روپے کا نقصان ہوچکا ہے۔ انہوں نے ضلعی انتظامیہ سے سخت نوٹس لینے اور محکمہ انہارکے ذمہ دارافسران کیخلاف کارروائی کرنے کا مطالبہ کیا ہے۔