پنجاب پبلک سروس کمیشن :مختلف محکموں کی خالی آسامیوں کے تحریری ،حتمی نتائج کا اعلان  

لاہور(نیوزرپورٹر) پنجاب پبلک سروس کمیشن نے مختلف محکموں کی خالی آسامیوں کے تحریری اورحتمی نتائج کا اعلان کر دیا گیا۔ 6محکموں کے تحریری جبکہ5 محکموں کے حتمی نتائج کا اعلان کیا گیاہے۔ محکمہ پنجاب پولیس،محکمہ زراعت، فیصل آباد ڈیویلپمنٹ اتھارٹی ،محکمہ ٹریفک انجینئرنگ اینڈ ٹرانسپورٹ پلاننگ ایجنسی، محکمہ چیف انجینئر(پاور) انرجی اور محکمہ ایریگیشن کی مختلف آسامیوں کے تحریری امتحانات کا اعلان کیا گیا ہے جبکہ محکمہ ایکسائز ٹیکسیشن اینڈ نارکوٹکس کنٹرول، محکمہ سپیشل ایجوکیشن، محکمہ سپیشلائزڈ ہیلتھ کیئر اینڈ میڈیکل ایجوکیشن، محکمہ اپلیٹ ٹریبونل آف پنجاب ریونیو اتھارٹی اور چیف منسٹر آفس کی مختلف آسامیوں کے حتمی نتائج کا اعلان کیا گیا ہے۔تحریر ی امتحانات کے نتائج میں میں محکمہ پنجاب پولیس کی اسسٹنٹ کی 102آسامیوں کیلئے 502امیدوار تحریری امتحان میں کامیابی حاصل کر سکے۔ محکمہ زراعت میں ایگریکلچر آفیسر کی13آسامیوں کیلئے55امیدوارکامیاب ہوئے۔ تحریر ی یامتحان میں کامیاب امیدواروں کو پی پی ایس سی کی جانب سے انٹریو کیلئے بلایا جائے گا۔ اس کے علاوہ پی پی ایس سی نے حتمی نتائج کا بھی اعلان کیا ہے جس میں محکمہ ایکسائز، ٹیکسیشن اینڈ نارکوٹکس کنٹرول  انسپکٹر(بہالپور ) کیلئے 9 امیدوار کامیاب ہوئے جبکہ محکمہ سپیشل ایجوکیشن میں آفتھیلمولوجسٹ کیلئے 2، محکمہ سپیشلائزڈ ہیلتھ کیئر اینڈ میڈیکل ایجوکیشن میں پروفیسر آف میڈیسن کیلئے 3 امیدوار اورسینئر رجسٹرار نیفرالوجی کیلئے 15امیدوار کامیاب ہوئے۔