اسلام آباد: ملائیشیا میں پھنسے پاکستانی وطن واپس پہنچ گئے۔

کوالالمپور ائرپورٹ پر پھنشے پاکستانیوں کی 40 گھنٹے بعد وطن واپسی مکمل ہو گئی۔ اسلام آباد ائر پورٹ پر پہنچتے ہی مسافروں نے پی آئی اے اور سفارتی عملے کے خلاف شکایتوں کے انبار لگا دیے۔

وطن واپس پہنچنے والے مسافروں کا کہنا تھا کہ قومی ائر لائن (پی آئی اے) اور سفارتی عملے نے تعاون نہیں کیا اور ہمارے ساتھ برا سلوک کیا گیا۔ان کا کہنا تھا کہ ہم 2 دن تک ائرپورٹ کے فرش پر سوتے رہے جبکہ ابھی تک ہمارا سامان بھی مکمل طور پر نہیں ملا۔

عمران نے حفیظ شیخ کی شکست کا بدلہ اعتماد کے ووٹ سے لیا

خیال رہے کہ لیز پر لیے گئے طیارے کا کرایہ نہ بھرنے پر پی آئی اے کا طیارہ جمعے کو کوالالمپور ائیر پورٹ پر تحویل میں لے لیا گیا تھا۔

اس حوالے سے ترجمان پی آئی اے کا کہنا تھا کہ لیز پر لیے گئے جہاز کا معاملہ برطانیہ کی عدالت میں زیر سماعت ہے اور ملائیشیا کی مقامی عدالت نے ہمیں سنے بغیر ہی جہاز تحویل میں لینے کے احکامات جاری کیے جو باعث تشویش ہیں۔