سینیٹ الیکشن کے لئے کاغذات نامزدگی مسترد ہونے کے خلاف اپیلیں آج سے دائر کی جا سکیں گی۔
اپیلوں کی سماعت انیس اوربیس فروری کو کی جائے گی ۔ چیف الیکشن کمشنر جسٹس ریٹائرڈ قاضی محمد فاروق نے اپیلوں کی سماعت کے لئے اپیلیٹ اتھارٹیزکا تقرر کردیا ہے ۔ پنجاب اور وفاقی دارالحکومت کی نشستوں کے لئے کاغذات نامزدگی مسترد ہونے کے خلاف اپیلوں کی سماعت لاہور ہائی کورٹ کے جسٹس نسیم سکندرکریں گے ۔ سرحد اور فاٹا کی نشستوں کی الیکشن کمیشن کے رکن سرحد جسٹس جہاں زیب رحیم اور بلوچستان کی اپیلوں کی سماعت ممبر بلوچستان جسٹس احمد خان لاشاری کریں گے۔ الیکشن کمیشن کے مطابق کسی امیدوار کی جانب سے کاغذات نامزدگی مسترد ہونے کے خلاف اپیل دائر کی جاسکے گی ، تاہم کاغذات نامزدگی کی منظوری کو چیلنج نہیں کیا جاسکے۔
