دادو: جیب تراشی چھوڑ چکا، پولیس تنگ کر رہی ہے، نوجوان نے خودکشی کر لی

دادو (نوائے وقت رپورٹ)  دادو کے نواحی علاقے میہڑ میں نوجوان نے پنکھے سے پھندا لگاکرمبینہ خودکشی کرلی۔ نوجوان کا مبینہ خودکشی سے پہلے ویڈیو بیان سامنے آگیا جس میں نوجوان نے الزام عائد کیا کہ میں بچپن میں جیب کترا تھا اور مجھے مجرم بنانے والا پولیس اہلکار ہے۔ اس نے کہا کہ اب جب میں جرم چھوڑ چکا ہوں تو پولیس مجھے تنگ کر رہی ہے۔ بعد ازاں نوجوان نے پنکھے سے پھندا لگا کر مبینہ طور پر خودکشی کرلی۔ پولیس کا کہنا ہے کہ نوجوان پر میہڑ کے مختلف تھانوں میں چوری کے مقدمات درج ہیں اور وہ پولیس مقابلے میں زخمی بھی ہوچکا تھا۔