مسلم لیگ ن کی قیادت نے اقتدارمیں آکر عوام کی مشکلات کاخاتمہ کیا ،ارشدمحمودقریشی
راولپنڈی(نیوز رپورٹر)ممبر کینٹ بورڈ راولپنڈی وارڈ8ارشدمحمودقریشی نے کہا ہے کہ مسلم لیگ ن نے عوام سے جووعدے کیے تھے انہیں پورا کیا،2013کے الیکشن کے بعد جب مسلم لیگ ن نے اقتدارسنبھالاتو ملک مشکلات کاشکار تھا،دہشتگردی عام تھی،بجلی،گیس کابحران عروج پر تھا عوام کو شدید مشکلات کاسامنا تھا مسلم لیگ ن کی قیادت نے عوام کو ان مشکلات سے نکالنے کے نعرے کیساتھ الیکشن لڑااورپھراقتدارمیں آکر عوام کی مشکلات کاخاتمہ کیا آج ملک میں بجلی کی لوڈشیڈنگ نہ ہونے کے برابر ہے گیس بھی عوام کو مل رہی ہے پاک فوج کی مدد سے ملک سے دہشتگردی کا خاتمہ ہوچکا ہے انشاء اللہ مسلم لیگ ن کی قیادت اب جو عوام سے وعدے کررہی ہے دوبارہ برسراقتدارآنے پر انہیں ہر صورت پورا کریگی جنوبی پنجاب کے عوام کے صوبہ بنانے کاجووعدہ کیا گیا ہے اس پرہرصورت عملدرآمد ہوگا ان خیالات کااظہارانہوں نے پیپلزکالونی میں اپنے مرکزی آفس میں ن لیگی کارکنوں اورمعززین علاقہ کے الگ الگ وفودسے گفتگو کرتے ہوئے کیا انہوں نے کہا کہ عوام جانتے ہیں کہ مسلم لیگ ن کی قیادت جو وعدے عوام سے کرتی ہے وہ ہرصورت پورے کرتی ہے انشاء اللہ عوام کے بھرپوراعتماد کیساتھ ایک بار پھر مسلم لیگ ن ہی آئندہ الیکشن جیت کرحکومت بنائیگی اور ملک میں جاری تعمیر وترقی کا عمل مزید تیز کریگی۔