کراچی(اسٹاف رپورٹر) ہم اہل علاقہ گاڑی کھاتہ یوسی 27 ضلع جنوبی کے مکینوں کی طرف سے چیئرمین ضلع جنوبی کی زیر سرپرستی میں ناجائز پانی کے کنکشن کے خلاف بھرپور احتجاج کرتے ہوئے کہا کہ مزار والی گلی میں زیر تعمیر کمرشل بلڈنگ میں بھاری رقم لیکرپانی اور سیوریج کے ناجائز کنکشن کو دیکر حکومت کے خزانے کو بھاری نقصان پہنچایا جارہا ہے اور علاقہ مکین پانی کی بوند بوند کو ترس رہے ہیں۔ اہل علاقہ اس واقعہ کی پر زور مذمت کرتے ہیں اور واٹر کمیشن جسٹس امیر مسلم ہانی و دیگر اعلیٰ حکام سے اپیل کرتے ہیں کہ پانی کے کنکشن کے نام پر لا کھوں روپے کی کرپشن کی مد میں چیئرمین ضلع جنوبی اور ان کے اہل کاروں کے خلاف تحقیقات کرکے اس کا سدباب کیا جائے۔