احتساب عدالت نے آصف علی زرداری سے ہفتے میں 2 دن ملاقات کی درخواست مسترد کر تے ہوئے کہا ہے کہ سابق صدر سے اہل خانہ اور وکلا پیر کے روز ملاقات کرسکتے ہیں۔ پیر کو احتساب عدالت اسلام آباد میں سابق صدر آصف علی زرداری اور فریال تالپور سے ملاقات کی درخواستوں کی سماعت ہوئی۔ صدر آصف علی زرداری اور فریال تالپور کی وکیل نے کہا کہ عدالت فیملی ممبرز اور قانونی ٹیم کو ہفتے میں 2 دن ملاقات کرانے کا حکم دے۔ نیب پراسیکیوٹر نے ہفتے میں 2 دن ملاقات پراعتراض اٹھایا۔عدالت نے اہل خانہ اورقانونی ٹیم کو آصف علی زرداری سے ہفتے میں 2 دن ملاقات کی اجازت دینے کی درخواست مسترد کردی۔ عدالت نے حکم دیا کہ سابق صدرسے ملاقات پیر کے روز کی جاسکتی ہے۔واضح رہے کہ آصف زرداری اور ان کی ہمشیرہ فریال تالپور جعلی اکانٹس اور منی لانڈرنگ کیس میں گرفتار ہیں۔
پنجاب حکومت نے پیر کو چھٹی کا اعلان کر دیا
Mar 28, 2024 | 17:38