بھارت: سخت گرمی میں ظالمانہ ٹریننگ، فوجی مارچ کے دوران مر گیا، مشتعل ساتھی افسروں سے لڑ پڑے

16 مئی 2016

نئی دہلی (نیوز ڈیسک) بھارتی فوج کے نارتھ ایسٹ انفنٹری یونٹ میں ایک جوان شدید گرمی میں ظالمانہ ٹریننگ کی تاب نہ لاتے ہوئے مارچ کے دوران گرکر دم توڑ گیا۔ بھارتی دفاعی ذرائع کے مطابق فوج میں اس طرح کی سخت اور انسانیت سوز ٹریننگ دینا عام ہے۔ نارتھ ایسٹ انفنٹری یونٹ کے سپاہی نے جس کا نام ظاہر نہیں کیا گیا نے شدید گرمی میں مارچ پاسٹ کے دوران سینے میں درد کی شکایت کی مگر اسے آرمی کے ڈاکٹر نے چیک اپ کے دوران صحت مند اور فٹ قرار دیدیا یہ سپاہی پھر مارچ کرنے لگا مگر اچانک گرا اور دم توڑ گیا جس پر ٹریننگ کرنیوالے دیگر سپاہی مشتعل ہو گئے اور اپنے ظالم افسروں سے لڑ پڑے۔ بھارتی فوج نے اپنے بیان میں اس لڑائی کی تردید کی ہے۔