گیس چوروں کے خلاف آپریشن تیز جوہرٹائون میں چھاپے

16 مئی 2016

لاہور(آن لائن) سوئی نادرن گیس کمپنی نے گیس چوروں کے خلاف اپنا آپریشن تیز کردیا ہے۔ لاہور آفس ریجن گلبرگ کے جی ایم محمود ضیاء احمد کی ہدایات پر چیف انجینئر عمران الطاف ساہی کی سربراہی میں ٹیم نے گزشتہ روز لاہورکے علاقہ جوہر ٹائون میں گیس چوروں کے خلاف چھاپے مارے چیکنگ کرنے پر ایک گھریلو میٹر کو کمرشل استعمال کرتے ہوئے ایک پرائیویٹ کنٹین پر جنریٹر چلائے جارہے تھے جس کی وجہ سے محکمہ کو ہر ماہ لاکھوں روپے کا نقصان برداشت کرنا پڑرہا تھا ٹاسک فورس نے موقع پر ہی گیس چوروں کے میٹرز کو اپنے قبضے میں لے لیا اور متعلقہ تھانہ میں مقدمہ درج کروا دیا ہے۔