خواتین کے حقوق، طالبان قیادت میں اختلافات: افغان وزیر داخلہ سراج الدین حقانی مستعفی

کابل (نوائے وقت رپورٹ) افغانستان کے وزیر داخلہ سراج الدین حقانی عہدے سے مستعفی ہوگئے،  افغان میڈیا رپورٹ کے مطابق سراج الدین حقانی نے افغان طالبان کے سربراہ ہیبت اللہ اخوندزادہ کو استعفی بھجوا دیا جو انہوں نے منظور کر لیا۔ میڈیا رپورٹ کے مطابق طالبان قیادت کے اندرونی اختلافات استعفے کی وجہ سے بتائی جا رہی ہے اور سراج الدین حقانی کی وزارت کی ذمہ داریوں سے طویل غیر حاضری بھی استعفے کی وجہ ہے۔ حقانی نیٹ ورک اور طالبان کی مرکزی قیادت کے درمیان خواتین کے حقوق کے معاملے میں بھی اختلافات ہیں۔ سراج الدین حقانی کے مستعفی ہونے سے متعلق طالبان حکومت کا کوئی بیان نہیں آیا۔گزشتہ روز سراج الدین حقانی نے صوبہ خوست کا دورہ کیا تھا اور جمعہ کی نماز ادا کی جہاں انہوں نے شہریوں سے بھی ملاقات کی تھی۔