مخالفین تحریک انصاف کی بڑھتی مقبولیت سے خوفزدہ ہیں : ڈاکٹر اسلم خان

شیخوپورہ(نمائندہ نوائے وقت) تحریک انصاف کے ضلعی نائب صدر ڈاکٹر محمد اسلم خان شیروانی نے کہا ہے کہ پی ٹی آئی نے عوام کو شعور دیا اور عوامی حقوق کے تحفظ کی خاطر مثالی جدوجہد کی مخالفین تحریک انصاف کی بڑھتی مقبولیت سے شدید خوفزدہ ہیں اورپارٹی کو ختم کرنے کی خاطر مذموم سازشیں کر رہے ہیں بانی پی ٹی آئی جلد رہا ہو کر عوام کے درمیان موجود ہوں گے اور پارٹی کی جاری احتجاجی تحریک کی قیادت کریں گے ان پر قائم کئے گئے جھوٹے مقدمات زیادہ دیر نہیں چل سکتے یہ ریت کی دیوار ثابت ہوں گے، آنے والا دور پی ٹی آئی کا ہے عوامی مینڈیٹ پر دھاندلی سے قبضہ کر کے اقتدار پر مسلط ہونے والے جلد اقتدار کے ایوانوں سے باہر ہوں گے ، تحریک انصاف آئین اور قانون کی بالادستی چاہتی ہے، یہ پرانا پاکستان نہیں ہے اب لوگ بیدار ہو چکے ہیں اور اپنے جمہوری حقوق پر کوئی سمجھوتہ نہیں کریں گے اب بھی پی ٹی آئی کو روکنے کی کوششیں کی جارہی ہیں پی ٹی آئی کے خلاف جاری جارحیت حکمرانوں کی جمہوریت پسندی کے دعوئوں کی کھلی نفی ہے، جمہوری معاشرے میں بے گناہ سیاسی کارکنوں کو انتقام کا نشانہ بنانے کی اجازت نہیں دی جاسکتی۔