عراق میں کار خودکش حملہ‘ 7 افراد ہلاک 30 زخمی

16 مارچ 2010
فلوجہ (اے ایف پی) عراق کے شہر فلوجہ میں کار خود کش حملے میں 7 افراد ہلاک اور 30 زخمی ہو گئے پولیس نے بتایا کہ کار خود کش حملہ آور نے اس وقت دھماکہ کیا جب فلوجہ کے بازار میں صبح کے وقت خریداروں اور مزدوروں کا رش تھا۔ خود کش حملے سے کئی گاڑیوں اور دکانوں کو نقصان پہنچا۔ ادھر عراقی وزیراعظم نوری المالکی نے اعتراف کیا ہے کہ سات مارچ کے پارلیمانی انتخابات میں چھوٹی موٹی دھاندلیاں ضرور ہوئیں لیکن ان سے نتائج پر اثر نہیں پڑے گا۔