لاہورسمیت پنجاب بھرمیں پٹرول بحران بدستور جاری ، پٹرول پمپس پرگاڑیوں اور موٹر سائیکلوں کی لمبی قطاریں لگی ہیں۔
لاہور کے علاوہ ملتان ، جھنگ، فیصل آباد ، ساہیوال، گجرات اور گوجرانوالہ سمیت دیگر شہروں میں پیٹرول نایاب ہے۔پٹرول کی عدم دستیابی کے باعث شہریوں کو شدید مشکلات کا سامنا ہے اور اکثر پمپس پر گاڑیوں اور موٹرسائیکلوں کی لمبی لائینیں لگی ہوئی ہیں۔تمام چھوٹے بڑے شہروں میں بحران کا فائدہ اٹھا کر نجی ڈپو مالکان ڈیڑھ سے ڈھائی سو روپے فی لٹر کے حساب سے پٹرول فروخت کررہے ہیں۔