فیصل آباد میں 100 وارداتیں‘ شہری لاکھوں روپے نقدی و سامان سے محروم
فیصل آباد (آن لائن ) شہر اور گردونواح میں ڈکیتی ، چوری و راہزنی کی 100سے زائد وارداتوں میں لاکھوں کا نقصان ، راہزنوں نے شہریوں سے اسلحہ کے زور پر بھاری مالیت کی نقدی و قیمتی سامان لوٹ لیا، درجنوں گاڑیاں، مویشی، لاکھوں مالیت کا قیمتی سامان بھی چوری، جبکہ نوسرباز گروہ نے نشہ آور اشیاء کھلا کر چار پردیسیوں کو لوٹ لیا۔ علامہ اقبال کالونی میں خالد محمود کے گھر سے مسلح افراد کی پانچ لاکھ کے قریب نقدی و قیمتی سامان چھین کر لے گئے، تھانہ ٹھیکریوالہ کے علاقہ بائی پاس جھنگ روڈ پر سیف الرحمن و فیملی ساکن ساہیوال سے ناکہ لگائے چھ رکنی ڈاکوئوں نے چار ہزار کی نقدی و قیمتی اشیاء چھین لیں، مٹھائی چوک میں عمر ، سٹی جڑانوالہ میں آسیہ، نثار کالونی میں عمران، رسول نگر سے زاہد، محمدی چوک میں عبدالرئوف، لشاریاں پل کے قریب عامر، سمندری روڈ پر تصور، ستیانہ روڈ پر عبدالرحمن، جڑانوالہ میں افتخار، گلشن رفیق میں عاصم، فیڈ مک کے علاقہ میں کرتل سے زاہد، لکشمی چوک ڈجکوٹ میںمقبول کو لوٹ لیا، رضا آباد میں بشارت، پیپلز کالونی میں عدنان، جمیل پارک میں سلطان محمود، ملت ٹائون کے علاقہ میں بوٹا، رشید نگر میں عثمان، 510گ ب میں بابر، گلستان کالونی میں ثاقب بھی وارداتوں کے دوران بھاری مال وزر سے ہاتھ دھو بیٹھے۔
