انسان نما ایرانی روبوٹ نے دھوم مچادی
تہران(اے پی پی) ایران میں تیار کیے جانے والے پہلے جدید ترین انسان نما روبوٹ کی تقریب رونمائی تہران یونیورسٹی میں ہوئی جس میں نائب صدر سورنا ستاری بھی موجود تھے۔سورنا سیریز کا یہ جدید ترین انسان نما روبوٹ سات انسانی خصوصیات کا مالک ہے. سورنا چار کا وزن 70 کلو اور قد 170 سینٹی میٹر ہے۔یہ روبورٹ .7 کلومیٹر فی گھنٹہ کی رفتار سے چلنے کی صلاحیت رکھتا ہے جبکہ ناہموار زمین پر اپنا توازن برقرار رکھنے کے بھی قابل ہے۔یہ روبوٹ ہاتھ ملانے، احترام کرنے اور مختلف اشیا کو اٹھانے کی بھی صلاحیت رکھتا ہے۔سورنا چار کی ایک اور خصوصیت یہ ہے کہ وہ سو کے قریب اشیا کو پہنچان بھی سکتا ہے اور مختلف سوالوں کے فارسی زبان میں جواب دے سکتا ہے۔یہ روبوٹ کسی بھی فرد کی نقل اتارنے کی بھی صلاحیت رکھتا ہے۔
