ملتان (لیڈی رپورٹر) انجمن تجارت ملازمت و زراعت پیشہ خواتین کی صدر طاہرہ نجم نے کہا ہے کہ خواتین معاشی طور پر استحکام کے لئے ہنرمندی کی طرف بھرپور توجہ دیں انجمن تجارت خواتین ہر ممکن سپورٹ دے گا تاکہ خواتین معاشی خود مختاری سے معاشرے میں سر اٹھا کر جی سکیں اور اپنے مسائل کا خود تدارک کرسکیں ان خیالات کا اظہار انہوں نے اپنی رہائشگاہ پر ماہانہ اجلاس کی صدارت کرتے ہوئے اپنے خطاب میں کیا جس میں ایوان تجارت و صنعت ملتان کی وومن انٹرپرینور کمیٹی چیئرپرسن مسز ثروت زہرہ مہمان خصوصی تھیں اجلاس میں پروین نیاز زہرہ سجاد زیدی بلقیس زاہد انیلہ صفدر مہوش نادیہ مہرالنساء ڈاکٹر فرزانہ مہروزیہ نعیم النساء شبانہ حمید شاہد حفیظ سہیلہ اقبال جانگلہ شاہین محبوب کوکب روبینہ رشوکت شاہ زمین یاسمین اکرم نے شرکت کی اجلاس میں میڈم فرزانہ کوکب نے معراج النبی کے بارے میں بھی اظہار خیال کیا۔