ٹنڈو آدم(نامہ نگار)ٹنڈوآ دم شہر کے کہیری محلہ کی14 سالہ دوشیزہ نرمہ بنت اختر کہیری کو مبینہ طور پر اغوا کرلیا گیا ۔ اغوا ہونے والے دو شیزہ نرمہ کے والد اختر کہیری پوپھی نغمہ کہیری اور دیگر نے احتجاج کرتے ہوئے الزام لگایا کہ بھریا روڈ کے گائوں ست پڑی کے رہنے والے منیر خاصخیلی نے اپنے ساتھیوں غوث خاصخیلی اور دیگر کی مدد سے اغوا کیا ہے۔ انہوں نے کہا کہ لڑکی نابالغ ہے ہم ملزمان کے گائوں گئے ہم نے نرمہ کی واپسی کا مطالبہ کیا تو انہوں نے ہمیں دھمکیاں دیں کہ نرمہ کو بھول جائو ہمیں زیادہ پریشان کروگے تو تمہیں نرمہ کی لاش دینگے۔ انہوں نے کہا کہ نرمہ کو اغوا کرنیوالے لوگ جرائم پیشہ ہیں وہ ہمیں جانی و مالی نقصان کی دھمکیاں دے رہے ہیں‘ حکومت تحفظ فراہم کرے۔