لاہور (خصوصی نامہ نگار)جماعت اہل سنت پاکستان کے مرکزی امیر پیر سید مظہر سعید کاظمی، سنی اتحاد کونسل کے سربراہ صاحبزادہ حامد رضا، نظام مصطفے متحدہ محاذ کے چیئرمین صاحبزادہ سید حامد سعید کاظمی نے سپریم کورٹ کے جج جسٹس اعجاز الا حسن کے گھر پر فائرنگ کی شدید مذمت کرتے ہوئے کہا ہے کہ یہ واقعہ پنجاب حکومت کی ناکامی کا ثبوت ہے۔ جسٹس اعجازالاحسن کے گھر پر فائرنگ کے ملزمان کی گرفتاری کے لئے تمام ریاستی ادارے مشترکہ کوششیں کریں۔ یہ واقعہ ججز کو ڈرانے اور عدلیہ کو دباؤ میں لانے کی سازش ہے۔ اس افسوسناک واقعہ کی جنگی بنیادوں پر تحقیقات کروائی جائیں۔ ججز کی سیکورٹی فوج اور رینجرز کے سپرد کی جائے۔