برلن (صباح نیوز)جرمن صدر فرانک والٹر شٹائن مائر نے کہا ہے کہ وہ سکرپل کیس کی وجہ سے روس اور مغرب کے مابین تعلقات میں خرابی پیدا ہونے پر تحفظات رکھتے ہیں، روسی صدر پیوٹن سے قطع نظر تمام روس کو دشمن قرار نہیں دینا چاہیے ۔ انہوں نے اخبار کو انٹرویو دیتے ہوئے کہا ہے کہ وہ ان باہمی تعلقات میں بہتری کی خاطر نئی سفارتی کوششوں کے حق میں ہیں۔ انہوں نے کہا کہ روسی صدر پیوٹن سے قطع نظر تمام روس کو دشمن قرار نہیں دینا چاہیے۔ سابق روسی جاسوس سیرگئی سکرپل اور ان کی بیٹی ڑولیا پر برطانیہ میں ہوئے کیمیکل حملے کی وجہ سے روس اور مغربی ممالک کے مابین ایک سنگین سفارتی بحران پیدا ہو چکا ہے۔