پنجاب کی سب سے بڑی پسرور شوگر ملز کوڑیوں کے بھائوفروخت‘ ہزاروں افراد بیروزگار

16 اپریل 2018

پسرور (صباح نیوز ) 156ایکڑ رقبہ پر محیط اربوں روپے مالیت کی شوگر ملز پسرور کوڑیوں کے بھائو فروخت کردی گئی اس میں کام کرنے والے ہزاروں افراد بے روز گار ہو گئے ۔شوگر ملز میں کام کرنے والے سابق ملازمین نے میڈیا سے گفتگو کرتے ہوئے کہا کہ پسرور شوگر ملز156ایکڑ رقبہ پر محیط شوگر ملز پنجاب کی سب سے بڑی شوگر ملز تھی۔ جسے کوڑیوں کے بھائو میں فروخت کردیا گیا انہوں نے کہا کہ ملز میں موجود تین عدد ٹریکٹر افسروں کے بچوں کو سکول لے جانے والی بڑی راکٹ بس کا انجن ۔کروڑوں روپے مالیت کا بجلی پیدا کرنے والا جنرٹیرزجو کہ پورے پسرور کو بجلی مہیا کر سکتا تھا ۔8عدد خراد مشین ‘بجلی کی وٹریں‘فرنیچر‘کروڑوں روپے مالیت کی چونا بھٹی ‘سات کے قریب بیچیں ۔لاکھوں روپے مالیت کے وزن کرنے والے کانٹے غائب ہو گئے۔ رکھوالی کرنے والوں نے ملز کی کھڑکیاں اور دروازے تک بیچ دیئے‘ چیف جسٹس ازخود نوٹس لیں: ملازمین