مکرمی! ٹاﺅن شپ کے مکینوں کی اپیل پر واسا حکام نے پانی کی قلت دور کرنے کے لئے سیکٹر بی ون یو سی 232 میں دو ٹیوب ویل لگانے کا کام شروع کیا ایک ٹیوب ویل بلاک نمبر 11 اور دوسرا بلاک نمبر8 بی ون میں لگایا جا رہا ہے مگر مقام افسوس کہ 8 ماہ گزر جانے کے باوجود یہ کام مکمل ہونے کو نہیں آ رہا حالانکہ بورنگ مکمل ہو چکی ہے۔ ٹاﺅن شپ میں اس وقت پانی کی قلت کے باعث عوام کو زبر دست مشکلات کا سامنا کرنا پڑ رہا ہے۔ عوامی نمائندے جنرل الیکشن تک جان بوجھ کر کام گھسیٹ رہے ہیں تاکہ الیکشن کے دوران نمبر ٹانگ سکیں۔ ایم ڈی واسا سے اس سنگین صورتحال کا فوری ذاتی نوٹس لینے کی اپیل کرتے ہیں۔(محمد سرفراز خان سابقہ کونسلر سماجی راہنما اہلیان ٹاﺅن شپ لاہور )