کرم ایجنسی‘ بنوں (نوائے وقت رپورٹ‘ صباح نیوز) کرم ایجنسی میں سرحد پار سے ایف سی اہلکاروں پر فائرنگ کی گئی جس سے 2 اہلکار شہید جب کہ 5 زخمی ہوگئے۔ ایف سی اہلکار سرحد پر باڑ لگانے کیلئے جائزہ لے رہے تھے۔ آئی ایس پی آر کے مطابق جوابی کارروائی میں کوشش کی گئی افغانستان میں کوئی شہری زخمی نہ ہو۔ صورتحال میں بہتری کیلئے عسکری سطح پر رابطہ جاری ہے۔ سرحد پار سے فائرنگ پر پاکستان کی جانب سے تحمل کا مظاہرہ کیا گیا۔ دوسری جانب بنوں میں چیک پو سٹ کے قریب ایف سی کی گاڑی پر ریموٹ کنٹرول بم سے حملہ کیاگیا جس کے نتیجے میں 3اہلکار شدید زخمی ہوگئے۔سکیورٹی ذرائع کے مطابق بنوں میں میرعلی کچوری چیک پو سٹ کے قریب ایف سی کی گاڑی پر ریموٹ کنٹرول بم سے حملہ ہوا جس سے گاڑی مکمل طور پر تباہ ہوگئی ۔ واقعہ میں تین اہلکار شدید زخمی ہوئے ہیں۔ زخمی اہلکاروں کو کنٹونمنٹ ملٹری ہسپتال منتقل کردیاگیاہے۔
کرم ایجنسی‘ حملہ