تربیلا ڈیم سے بجلی کی مجموعی پیداوار 770 میگاواٹ تک پہنچ گئی
اسلام آباد (نامہ نگار) تربیلا ڈیم کے دوسرے یونٹ کی صفائی کے بعد بجلی کی پیداوار میں 300میگاواٹ کا اضافہ ہو گیا، مجموعی پیداوار 770 میگاواٹ تک پہنچ گئی۔ تفصیلات کے مطا بق گزشتہ کئی ماہ سے ڈیموں میں پانی کی کمی تھی جس کے باعث بجلی کی پیداوار میں بھی کمی کا سامنا تھا، مگر پانی کی سطح اونچی ہونے کے باوجود تربیلا ڈیم میں مٹی جمع ہونے سے بجلی کی پیداوار متاثر ہو رہی تھی۔واپڈا کے جاری اعلامیہ کے مطابق تربیلا ڈیم کے دوسرے یونٹ سے مٹی ہٹا دی گئی ہے جس کے بعد بجلی کی پیداوار شروع ہو گئی ہے۔ واپڈا کے مطابق تربیلا کے یونٹ کی بحالی سے 300یگاواٹ بجلی حاصل ہونا شروع ہو گئی ہے۔اعلامیہ کے مطابق پہلے یونٹ سے بھی 470میگاواٹ بجلی حاصل ہو رہی ہے، اس طرح تربیلا کے دونوں یونٹس سے مجموعی طور پر 770میگاواٹ بجلی حاصل ہو رہی ہے۔
تربیلا ڈیم پیداوار