اوچ شریف،رحیم یارخان ،لیاقت پور، چشتیاں ، ڈیرہ غازی خان (خبر نگار،نامہ نگار، کرائم رپورٹر ، نمائندہ نوائے وقت،نمائندہ خصوصی) ٹریفک حادثات میں موٹر سائیکل سوار ماں بیٹے سمیت  5 افراد جاں بحق،ڈرائیور زموقع سے فرار اوچ شریف سے نامہ نگار، خبر نگار کے مطابق اوچ شریف تا چوک بھٹہ روڈ  پر تعمیرکیوجہ سے بھاری ٹریفک کا داخلہ بند تھا مقامی ٹرانسپورٹرز نے خلاف ورزی کرتے ہوئے بسیں چلانے کا سلسلہ شروع کردیا گزشتہ شب نواحی موضع پلہ ہمشیرا کا رہائشی نوجوان محمد شان اپنی والدہ مریم بی بی کے ہمراہ موٹرسائیکل پر سوار گھر جا رہا تھا جسے تیز رفتار مسافر بس نے روند ڈالا۔ حادثے کے نتیجے میں دونوں ماں بیٹا موقع پر ہی جاں بحق ہو گئے جبکہ ڈرائیور جائے حادثہ سے فرار ہونے میں کامیاب ہو گیا اطلاع ملتے ہی پولیس موقع پر پہنچ گئی۔حادثے کا شکار ماں بیٹے کے ورثاء نے احتجاج کیا ۔رحیم یارخان،لیاقت پور  سے کرائم رپورٹر،نمائندہ نوائے وقت کے مطابق فیروزہ کا رہائشی 13سالہ محمد محسن اپنی موٹرسائیکل پر جا رہا تھا کہ اسی دوران سامنے سے آنے والی ٹریکٹر ٹرالی نے کچل ڈالا جس کے نتیجہ میں 13سالہ محسن زخموں کی تاب نہ لاتے موقع پر ہی دم توڑ گیا جبکہ نامعلوم ٹرایکٹر ٹرالی ڈرائیور موقع پر ٹریکٹر ٹرالی چھوڑ کر فرار ہو گیا جسے پولیس نے قبضہ میں لیکر ڈرائیورکی تلاش کر دی۔  چشتیاں سے نمائندہ خصوصی کے مطابق حاصلپور روڑ پربس اور رکشہ کے درمیان حادثہ  کے نتیجہ میں رکشہ ڈرائیور موقع پر چل بسا۔ جاں بحق لڑکے کی شناخت شاہد کے نام سے ہوئی جو کہ چک نمبر 51 فتح چشتیاں کا رہائشی تھا ریسکیو ٹیم نے نعش کو ٹی ایچ کیو ہسپتال منتقل کر دیا۔ڈیرہ غازیخان سے نامہ نگارکے مطابق انڈس ہائی وے پرعالی والا چوک کے نزدیک تیز رفتار کار ڈرائیورنے  سامنے سے آنے والے موٹر سائیکل سوار کوٹکر مار دی۔ حادثہ کے نتیجہ میں موٹر سائیکل سوار 30سالہ نوجوان محمد ظفر جاں بحق ہوگیا۔ پولیس نے رپٹ درج کرلی ہے۔

شیریں مزاری کیس:اسلام آباد ہائی کورٹ کا حکومت کے لیے بڑا حکم