جامعہ اشرفیہ میں آج حج تربیتی پروگرام منعقدہونگے
لاہور (خصوصی نامہ نگار) جامعہ اشرفیہ لاہور میں سرکاری اورپرائیویٹ طور پر حج جانے والے حجاج کرام کی تربیت کیلئے آج صبح 10 بجے سے سہ پہر 4 بجے تک حج تربیتی پروگرام منعقدہونگے ، جس سے جامعہ اشرفیہ لاہور کے مہتمم مولانا حافظ فضل الرحیم اشرفی، پروفیسر مولانا محمد یوسف خان، مفتی محمد زکریااور دیگر علماء کرام خطاب کرینگے جبکہ حج پر جانیوالی خواتین کیلئے بھی پروگرام میں باپردہ شرکت کا اہتمام کیا گیا ہے۔
