اسلام آباد (نمائندہ خصوصی) سکیوریٹیز اینڈ ایکسچینج کمیشن آف پاکستان نے اپریل میں2,345 نئی کمپنیاں رجسٹر کیں، جس کے بعد کل رجسٹر کمپنیوں کی تعداد 168,030( ایک لاکھ پ اڑسٹھ ہزار تیس) ہو گئی ہے۔ نئی رجسٹر ہونے والی کمپنیوں کا کل ادا شدہ سرمایہ تین ارب  پچاس کروڑ روپے ہے۔اپریل میں تشکیل پانے والی ترپن  کمپنیوں افغانستان، آسٹریا، آذربائیجان، کینیڈا، چین، ڈنمارک، ڈومینیکن ریپبلک، جرمنی، آئرلینڈ، اردن، جنوبی کوریا ، فلپائن، سعودی عرب، جنوبی افریقہ، ترکی، متحدہ عرب امارات، برطانیہ، یوکرین اور امریکہ سے تعلق رکھنے والے ڈائریکٹروں نے سرمایہ کاری  کی۔ اس ماہ99 فیصد کمپنیاں آن لائن رجسٹر ہوئیں اور 63  کمپنیوں میں بیرونی سرمایہ کار ی کی گئی۔اس ماہ میں سب سے زیادہ رجسٹریشنز رئیل اسٹیٹ ڈویلپمنٹ اینڈ کنسٹرکشن سیکٹر  میں ہوئیں جہاں 434نئی کمپنیاں رجسٹر ہوئیں۔اس کے بعد انفارمیشن ٹیکنالوجی کے شعبے میں  355، ٹریڈنگ میں285، سروسز میں 195، ایجوکیشن میں 81،  مارکیٹنگ اور اشتہارات میں 64، فوڈ اینڈ بیوریجز میں 93، ٹیکسٹائل میں45،سیاحت میں75، کارپوریٹ ایگریکلچرل فارمنگ میں60، ہیلتھ کیئر میں 50، انجینئرنگ میں 59، ٹرانسپورٹ میں 31، فارماسیوٹیکل میں 48، اورپاور جنریشن میں 26میں کمپنیاں رجسٹرڈ ہوئیں۔ایس ای سی پی کا ای سروسز سسٹم ایف بی آر، صوبائی ریونیو کے محکموں کے ساتھ انٹی گریٹیڈ ہے، جس کے نتیجے میں اپریل میں  2,252کمپنیاں ہمہ وقت ایف بی آر کے ساتھ،58کمپنیاں ای او بی آئی کے  ساتھ رجسٹر ہوئیں۔

عمران خان کی جان کو خطرے کے پیش نظر پولیس کا بنی گالہ میں سرچ آپریشن