نیویارک(این این آئی)اقوام متحدہ کی سلامتی کونسل نے فلسطین میں اسرائیلی فورسز کے ہاتھوں امریکی خاتون صحافی کے قتل کی شدید الفاظ میں مذمت کی ہے۔میڈیارپورٹس کے مطابق سلامتی کونسل کی جانب سے جاری بیان میں مطالبہ کیا گیا ہے کہ شیریں ابو عاقلہ کے قتل کی فوری، مکمل، شفاف اور غیرجانبدارانہ تحقیقات کی جائیں۔یاد رہے کہ چند روز قبل الجزیرہ ٹی وی سے تعلق رکھنے والی صحافی شیریں ابو عاقلہ اسرائیلی فوج کی کارروائی کی کوریج کے دوران سر میں گولی لگنے سے ہلاک ہو گئی تھیں۔