اداکارہ وماڈل عائشہ عمر نے کہا ہے کہ کامیابی سفارش یا پیسے سے نہیں ملتی ،شوبز میں اپنی اداکاری کے انمٹ نقوش چھوڑنا چاہتی ہوں ، ہر آنے والا دن میرے لئے نئے چیلنج لے کرآتا ہے۔ اداکاری، ماڈلنگ اور گلوکاری کے شعبے ایک دوسرے سے مختلف ہیں لیکن ان سے وابستہ ہونے کے بعد بہت کچھ سیکھنے کا موقع مل رہا ہے۔میڈیا سے گفتگو کرتے ہوئے عائشہ عمر نے کہا کہ فلم اورٹی وی کے علاوہ اب توبطورسنگرمیوزک پروگراموں میں پرفارمنس کے دوران بھی بہت کچھ سیکھنے کوملتا ہے۔ میں سمجھتی ہوں کہ اپنی صلاحیتوں کومتعارف کرنے اوران کو لوگوں تک پہنچانے کے لئے فنون لطیفہ کے شعبے سب سے بہترہیں۔ کبھی نہیں سوچا تھا کہ اس پروفیشن میں اس طرح سے کامیابی ملے گی۔ لیکن اس کامیابی کوپانے کیلیے مجھے بہت سخت محنت کرنا پڑی ہے۔ اس کے علاوہ جن سینئر فنکاروں کے ساتھ کام کیا، انھوں نے بھی بہت رہنمائی کی اوریہ سلسلہ آج بھی جاری ہے۔
