فیروز والا :ٹریفک حادثات میں 2 افراد جاں بحق‘ 4 زخمی
کاہنہ + فیروز والا (نامہ نگاران) ٹریفک حادثات میں 2 افراد جاں بحق جبکہ 4 زخمی ہو گئے۔ موٹر سائیکل کو سامنے سے آنے والے تیز رفتار ڈالے نے ٹکر ماردی جس کے نتیجے میں کتلوہی کا تیس سالہ اصغر موقع پر جاں بحق ہو گیا جبکہ اس کا ساتھی گلزار شدید زخمی ہو گیا زخمی کو ہسپتال منتقل کر دیا گیا جہاں اس کی حالت تشویشناک بتائی جاتی ہے حادثے کے بعد ڈالے کا ڈرئیور فرار ہو گیا۔ لاہور روڈ کی آبادی ہاؤسنگ کالونی کے قریب تیز رفتار ٹرک بے قابو ہو کر موٹر سائیکل سوار سے ٹکرا گیا جس کے نتیجے میں نوجوان عبدالوحید موقع پر ہلاک ہو گیا۔ حادثہ کے بعد ڈرائیور فرار ہو گیا۔ شرقپور روڈ پر ویگن کی سائیڈ لگنے موٹر سائیکل سوار نوجوان زخمی ہو گیا۔ رکشہ اور موٹر سائیکل کے درمیان تصادم میں دو افراد زخمی ہو گئے۔
