اسلام آباد(نمائندہ نوائے وقت) سپریم کورٹ آف پاکستان نے سیکورٹی کے نام پر میریٹ اور سرینا ہوٹل کے سامنے کھڑی گئی رکاٹوں کا نوٹس لیتے ہوئے دونوں فائیو سٹا ہوٹلز کے سامنے کھڑی کی گئی رکاٹوں کو فوری ہٹاکر آج تک تحریری جواب جمع کرانے کا حکم دیدیا ہے ، چیف جسٹس میاں ثاقب نثار نے ریمارکس میں کہا کہ بڑے لوگوں نے کیا تماشا بنا رکھا ہے جب دل چاہا سڑکیں بند کردیں ۔چیف جسٹس میاں ثاقب نثار کی سربراہی میں تین رکنی بنچ نے سماعت کی تو،عدالت نے سرینا ہوٹل کے منیجر پر برہمی کا اظہار کیا،چیف جسٹس نے ریمارکس دیئے سرینا ہوٹل کے سامنے کھڑی کی گئی تمام رکاٹیں فوری ہٹا دیں ،مرکز ی دروازے کے سامنے سے بھی تمام رکاٹیں ہٹائیں ۔چیف جسٹس نے ریمارکس میں مزید کہا میریٹ ہوٹل کی جانب سے کھڑی کی گئی رکاٹیں بھی ہٹائیں ،وہاں کتے کا کمرہ بنا ہوا ہے اسے بھی ختم کریں ،وہاں بڑے بڑے بندے رہتے ہونگے ،ہمیں یہ باتیں بالکل پسند نہیں ہیں ۔