سری لنکا کیخلاف سیریز میں اچھا مقابلہ ہوگا:بسمہ معروف
لاہور (نمائندہ سپورٹس )پاکستان ویمن کرکٹ ٹیم کی کپتان بسمہ معروف نے کہا ہے کہ سری لنکا کے خلاف سیریز میں اچھا مقابلہ ہوگا۔میڈیا سے گفتگو میں بسمہ معروف نے کہا کہ وہ سری لنکا کے خلاف سیریز میں اچھے کھیل کا مظاہرہ کریں گی۔20 مارچ سے شروع ہونے والی سیریز کے حوالے سے انہوں نے مزید کہا کہ ابھی پہلے میچ میں وقت ہے، قبل از وقت آنے سے یہ فائدہ ہو رہا ہے کہ ہم موسم اور کنڈیشنز سے ہم آہنگ ہو رہے ہیں۔کولمبو میں پانچ روز سے اپنی ٹیم کے ہمراہ موجود ویمن کرکٹ ٹیم کی کپتان نے یہ بھی کہا کہ سری لنکا میں لنکن ٹیم سے کھیلنا اچھا لگ رہا ہے۔