ملک کو ذاتی جاگیر کی طرح نہیں چلایا جاسکتا‘ ضیاءعباس

15 مارچ 2018

کراچی(اسٹاف رپورٹر) سینئرسیاستدان اور مسلم لیگ کے سابق سیکریٹری جنرل سید ضیاءعباس نے کہا ہے کہ ملک کو ذاتی جاگیر کی طرح نہیں چلایا جاسکتا نہ ہی جمہوریت کے نام پر عوام کے جذبات سے کھیلا جاسکتا ہے انہوں نے کہا کہ ووٹ کی عزت کی بات کرنے والوں کی جانب سے سینٹ کے الیکشن میں اپنی شکست کو تسلیم نہ کرنا مضحکہ خیز ہے ایوان بالا کی سربراہی پہلی بار بلوچستان کو ملنا خوش آئند اورمستقبل میں بلوچ عوام کے احساس محرومی کے خاتمے کی طرف پہلا قدم ہے اس کے ساتھ ہی انہوں نے کہا کہ آئندہ عام انتخابات بھی پاکستان کے مستقبل کا فیصلہ کرنے کیلئے اہم ثابت ہوں گے‘ اس معاملے میں سید ضیاءعباس نے چیف جسٹس آف پاکستان کی جانب سے ارکان اسمبلی کو ترقیاتی فنڈ کے اجراءپر نوٹس لئے جانے کو ایک اچھا اقدام قرار دیا انہوں نے کہا کہ عام انتخابات سے صرف چند ماہ قبل ارکان اسمبلی کو فنڈز کا اجراءسیاسی رشوت اورپری پول دھاندلی کے مترادف ہے عام انتخابات کی شفافیت کو یقینی بنانے کیلئے بیورو کریسی کے تبادلوں پر بھی نظر رکھی جانی چاہیے۔
ضیاءعباس