مسلم لیگ کی صدارت شہباز شریف کو منتقل ہونا جبر کی شادی ہے‘ شیرپا¶

15 مارچ 2018

اسلام آباد (وقائع نگار خصوصی) قومی وطن پارٹی کے سربراہ آفتاب شیر پاﺅ نے کہا ہے کہ مسلم لیگ (ن)کی صدارت شہباز شریف کو منتقل کرنا جبر کی شادی ہے جو حالات نے کرائی ہے لیکن اس میں بیانیہ اور خواہش میاں نواز شریف کی ہی چلے گی۔شہبازشریف نواز شریف کی پالیسوں کو آگے بڑھائیں گے ۔بدھ کے روز پارلیمنٹ کے باہر صحافےوں سے گفتگو کرتے ہوئے آفتاب شیر پاﺅ نے کہا کہ سیاست میں عدم برداشت کا پہلو انتہائی خوفناک عمل ہے آج اگر ایک کی باری ہے تو کل کوئی دوسرا اس کی زد میں آسکتا ہے،سیاست میں برداشت کے پہلو کو اجاگر کرنا ہو گا۔ انہوں نے کہا کہ ملک میں جمہوری اقدار کو دوام دینا ہوگا ملک کا مستقبل جمہوری رویت سے جڑا ہے.ملک کی عمر کا زیادہ تر عرصہ آمریت کھا گئی ترقی کا راستہ جمہوریت سے جڑا ہے ایک سوال کے جواب میں انہوں نے کہا پی ٹی آئی اور پیپلزپارٹی کے اشتراک سے چئیرمین سینٹ تک اتحاد محدود تھا مستقبل میں شائید ایسا ممکن نہ ہو اگردونوں جماعتوں نے قومی الیکشن میں بھی ایسا کیا تو اس کا فائدہ مسلم لیگ ن کو ہوگا۔
شیرپا¶