سعودی ہم منصب سے ملاقات، پاکستانی حجاج کیلئے خصوصی توجہ باعث مسرت: چودھری سالک

مکہ المکرمہ (امیر محمد خان سے) وزیر مذہبی امور چوہدری سالک حسین کی وفد کے ہمراہ سعودی ہم منصب ڈاکٹر توفیق بن فوزان الربیعہ سے ملاقات ہوئی۔ منیٰ کیمپ آفس میں ملاقات کی وفد میں سیکرٹری مذہبی امور ذوالفقار حیدر، حافظ طاہر اشرفی و دیگر شامل تھے۔ چوہدری سالک نے سعودی وزیر حج سے کہا پاکستانی حجاج کی سہولت کیلئے سعودی وزیر حج کی خصوصی توجہ باعث مسرت ہے۔ سعودی حکومت حج انتظامات میں ہر سال جدت اور نئی سہولیات متعارف کروا رہی ہے۔ سرکاری و نجی عازمین حج کیلئے سعودی مکاتب کی جانب سے بہترین سہولیات کے متمنی ہیں۔ سعودی وزیر حج نے کہا کہ منیٰ، عرفات میں پاکستان حج مشن کی تمام ضروریات کا خیال رکھا جائے گا۔ پاکستان حج مشن کو ہر ممکن تعاون فراہم کیا جائے گا۔