نوجوان نسل کو منشیات فراہم کرنے میں ملوث عناصر کیخلاف مہم تیز کی جائے
راولپنڈی (اپنے سٹاف رپورٹرسے)اے این ایف کے فورس کمانڈرزکا اجلاس اے این ایف ہیڈ کوارٹر میں منعقد ہوا، جسکی صدارت ڈائریکٹر جنرل اے این ایف میجر جنرل محمد عارف ملک نے کی اجلاس میں اے این ایف کے علاقائی دفاتر کے کمانڈروں اور سینئر سٹاف افسران نے شرکت کی ابتدائی کلمات میں ڈی جی اے این ایف نے ادارے کے تمام شعبہ جات کی کارکردگی کو سراہا، اورنوجوان نسل کو منشیات فراہم کرنے میں ملوث عناصر کے خلاف جاری مہم پر توجہ مرکوز کرتے ہوئے خصوصی مہمات کے آغاز پر زوردیا،جو ہماری نوجوان نسل کوتباہی سے دوچارکر رہے ہیںانھوں نے مصنوعی وکیمیائی طور پر تیارکردہ منشیات کے استعمال کے بڑھتے ہوئے رحجانات کو بڑا خطرہ قرار دیتے ہوئے، خصوصی اقدامات کی ہدایت کی۔اجلاس کے دوران ، محکمے کے پیشہ ورانہ اموراور پیش رفت کا بغورجائزہ لیاگیاانہوں نے ملک میں منشیات کی اسمگلنگ میں ملوث ملزمان ، خصوصاًتعلیمی اداروںاور ہاسٹلز میں منشیات فراہم کرنے والے عناصراورمنشیات کے جرائم میںملوث اشتہاری ملزمان کی گرفتاری اور ان کوکیفر کردارتک پہنچانے کے لئے جاری ملک گیر مہم کو مزیدتیز کرنے کے احکامات جاری کئے۔ڈائریکٹر جنرل اے این ایف نے منشیات کی سمگلنگ کی روک تھام کے لئے جاری اقدامات کی پیش رفت کا جائزہ لیااورمنشیات کی اسمگلنگ میں ملوث ذرائع ترسیل کی گرفتاری پرخصوصی زوردیاانہوں نے ہدایات جاری کیں کہ حج آپریشن کے دوران تمام ایئرپورٹس پر حجاج کرام کی سخت چیکنگ کی جائے۔
