گوجرانوالہ میں سیمنٹ ڈیلرز کا ود ہولڈنگ ٹیکس کے خلاف احتجاجی مظاہرہ 

گوجرانوالہ (نمائندہ خصوصی) ایف بی آر کی جانب سے سیمنٹ ڈیلرز پر ود ہولڈنگ ٹیکسوں میں اضافے کے خلاف سیمنٹ ایسوسی ایشن کا احتجاجی مظاہرہ، شدید نعرے بازی کی گئی۔ چیمبر آف کامرس کے باہر احتجاجی مظاہرے کی قیادت صدر فاروق احمد، زوہیب بٹ، اخلاق احمد، حاجی نذیر کمبوہ، سلمان فاروق نے کی ضلع گوجرانوالہ اور حافظ آباد کے تمام ڈسٹری بیوٹرز نے بھرپور شرکت کی۔ مظاہرین نے پی او ایس ٹیکسوں کے خلاف شدید نعرے بازی کی اور سیمنٹ ڈیلرز ریٹیلرز پر لگائے گئے اضافی ٹیکس واپس لینے کا مطالبہ کیا۔ گوجرانوالہ سیمنٹ ایسوسی ایشن نے کہا ایف بی آر ان ظالمانہ اقدام پر آج سے کوئی بھی ڈیلرز کمپنیوں سے سیمنٹ نہیں اٹھائے گا جب تک مطالبات پورے نہیں ہوتے، مقررین نے مزید کہا جتنا زیادہ ٹیکس لگے گا لوگ ٹیکس چوری کی طرف جائیں گے۔ سیمنٹ کی بوری 500 روپے سے 1500 تک پہنچ گئی جبکہ 4 سے 7 روپے ڈیلر و ریٹیلر کی کمائی ہے۔ 35 روپے نیا ٹیکس کہاں سے دیں۔