کوک سٹوڈیو نے اپنے 14 ہویں سیزن کا آغاز کردیا ہے۔نامور صوفی گلوکارہ عابدہ پروین اور پنجابی گانوں سے شہرت حاصل کرنے والے گلوکارہ نصیبو لال کے مشترکہ پر گائے گئے گانے 'تو جھوم' سے کوک سٹوڈیو کے 14 ہویں سیزن کا آغاز ہوا۔اس حوالے سے عابدہ پروین نے بتایا کہ زلفی نے ایک بہت مفرد گانا تیار کیا ہے جبکہ نصیبو لال نے کہا کہ میں دوسری بار مختلف انداز میں کوک سٹوڈیو واپس آئی ہوں۔'تو جھوم' کی موسیقی ذولفقار جبار خان المعروف زلفی نے ترتیب دی ہے جو روحیل حیات کی جگہ گذشتہ برس کوک سٹوڈیو سے بطور پروڈیوسر وابستہ ہوئے۔زلفی کا کہنا ہے کہ 'میں ہمیشہ حیرت کا عنصر لانا چاہتا ہوں، متوقع چیزوں کی زندگی مختصر ہوتی ہے۔'ایسوسی ایٹ پروڈیوسر عبداللہ صدیقی کہتے ہیں کہ یہ گانا روایتی آوازوں کا ایک بہترین امتزاج ہے۔اس گانے کے حوالے سے ایک ویڈیو بھی وائرل ہوئی جس میں عابدہ پروین سٹوڈیو آئیں تو اس وقت نصیبو لال ریہرسل کررہی تھیں۔عابدہ پروین سٹوڈیو پہنچیں تو نصیبو لال کو کھڑا ہونے سے منع کردیا تاہم نصیبو لال یہ کہتے ہوئے کھڑی ہوگئیں کہ مجھے اچھا نہیں لگتا، پھر وہ عابدہ پروین سے گلے ملیں، ان سے ہاتھ ملایا اور ان کے گھٹنوں کو بھی چھوا۔شائقین کو دو لیجنڈری گلوکاروں کا ایک ساتھ گایا گیا یہ گانا اس قدر بھایا کہ دیکھتے ہی دیکھتے ٹوئٹر پر ٹاپ ٹرینڈ بن گیا۔کوک سٹوڈیو سیزن 14 کا دوسرا گانا 21 جنوری کو ریلیز کیا جائے گا۔
